„Велигденски базар“ на плоштадот „Крушевска Република“ во Охрид

Охрид, 13. април 2023 (ОХРИДПРЕС) – Општина Охрид во соработка со ЈП „Градски пазар“, денес, го организираа традиционалниот „Велигденски базар“ на плоштадот „Крушевска Република“ во центарот на Охрид.

На базарот учество зедоа фирми, занаетчии, слаткари, пекари, уметници, производители на охридски и македонски традиционални јадења.

– Базарот беше проследен и со културно уметничка програма во која настапија КУД „Ѓердан од бисери“, „КУД „Ѓердан“, КУД „Отекс“, КУД „Фаланга“, КУД „Филиграни“ и КУД „Илинден“. Настапија и учесниците на детскиот музички фестивал „Распеано рибарче“, малите ѕвездички со КА Двојче, најмладите од детската градинка „Јасна Ристеска“ и учениците од општинските основни училишта, информираат од Општина Охрид.

Велигденскиот базар имаше хуманитарен карактер и дел од собраните средства од продажба на производите ќе бидат донирани онаму каде што е најпотребно. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука