„Има љубов во нас“, нов сингл на одличната Дани

Охрид, 27. јуни 2023 (ОХРИДПРЕС) – Страдаме во илузија дека сме немоќни, неспремни, зли и сурови. Љубов е лекот. Ние сме љубов. Ти си љубов. Јас сум љубов! – вели одличната Дани за својот најнов сингл „Има љубов во нас“, за кој музиката и текстот се дело на Весна Малинова, а аранжманот е на Јордан Манов.

– Љубовта е свеста и единствената причина што постоиме. Кога се губиме, насока да се пронајдеме, вели Малинова.

Дани е рок амбасадор на нашата земја веќе 25 години и зад себе има три албуми, бројни награди и признанија, успешни настапи и концерти.

Со новиот албум најавува една нова ера во својата кариера, а нејзиниот глас и порака ќе бидат слушнати и надвор од нашите граници. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука