Почнува шестото издание на „Beach Film Festival“ во Охрид

Охрид, 19. јули 2023 (ОХРИДПРЕС) – Од вечерва до 23-ти јули Охрид ќе биде домаќин на шестото издание на „Beach Film Festival“, што ќе се одржи на повеќе локации.

– Фестивалот годинава ќе се одржи на четири локации – плажата „Славија“, бродот Armada, плажа „Сараиште“ и кај Младинскиот Центар Охрид. Влезниот билет за плажа Славија е 100 денари, а на Armada 200 денари, додека за проекциите Сараиште и Младинскиот Центар Охрид, потенцираат организаторите.

Покрај филмските проекции на 8 долгометражни, 16 краткометражни, 9 студентски, 5 француски и 4 специјални проекции, предвидени се и музички настапи, мастер часови и изложби.

Оваа година по трет пат Фестивалот е поддржан и од Европскиот филмски предизвик (European Film Challenge, EFC), кој е достапен за повеќе од стомилионска публика во 12 држави од Европа вклучувајќи ја и Македонија. Европскиот филмски предизвик низ годините развива и поврзува мала, но значителна заедница љубители на европскиот филм и инди-киното, која активно го користи просторот за забава, откривање, препорачување и споделување на најдобрите европски остварувања. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука