Pharrell Williams најави нов материјал со групата N.E.R.D
Охрид, 13. септември 2023 (ОХРИДПРЕС) – Pharrell Williams објави дека постои можност триото N.E.R.D да сними нов материјал и дека работел на 12 нови песни на бендот во Париз.
Hip hop групата во која членуваат Pharrell, Chad Hugo и Shay Haley го објави својот последен албум „No One Ever Really Dies“ во 2017 година, на кој гостуваа André 3000, Gucci Mane и Ed Sheeran.
Нивните последни синглови во 2017 година беа соработките со Rihanna на „Lemon“, со Future на „1000“ и „Don’t Don’t Do It!“ со Kendrick Lamar.
– Сакав да направам сè. Сакав чувства. Сакав одлична композиција. Одлични акорди. Сакам да користам акорди што никогаш претходно не сум ги користел. А потоа, лирскиот дел, хармонијата… сите песни едноставно бликаат од хармонии во сите бои, изјави Pharrell. (Крај)
извор: ОхридПрес фото: архива
@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |