Brass Brothers го претставија новиот сингл „Move It“
Охрид, 2. октомври 2023 (ОХРИДПРЕС) – Со нивната појава донесоа уникатна автентична енергија на македонската музичка сцена, пред се поради специфичната комбинација од брас секција и динамичен звук.
Brass Brothers зад себе веќе имаат неколку авторски песни како „Време-невреме“ на македонски јазик, како и петте музички нумери „Balkan Mayhem”, „Winner”, „The Spark”, „Inseparable” и „Take My Hand“ од првиот албум на англиски јазик „Balkan Mayhem” како и нумерата „We Are Energy“ од истоимениот втор албум.
Го претставуваат новиот сингл „Move It“, песна создадена за време на пандемијата како одговор на сите стеги и забрани со кои се соочуваше човештвото.
Brass Brothers се формирани во 2013 година, а членови се: Горан Мицевски Кус (тромбон), Костадин Бетоски (саксофон), Пере Мелов (труба), Јован Мартиновски (Dj) и Ник де Карло (туба). Препознатливи се по новните експлозивни и динамични живи настапи, кои ја освојуваат публиката и ја прават незаменлив дел од перформансот. (Крај)
извор: ОхридПрес фото: архива
| @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |
