SUPER Fresh music: Dagny – Ray-Bans
Охрид, 3. октомври 2023 (ОХРИДПРЕС) – Автентичната норвешка поп-музичарка Dagny го претставува својот нов сингл, одличната „Ray-Bans“, песна која е исполнета со меланхолија и инспирирана од звукот на инди поп музиката од деведесеттите.
Текстот зборува за прифаќање на новата реалност по завршувањето на романтичната врска. Со овој сингл таа најавува и трилогија мини-албуми од кои кон крајот на годината ќе излезе првото издание со наслов „Elle“.
По големиот успех на нејзиното деби студиско издание „Strangers/Lovers“ од 2020 година, на кое се најде хит-синглот „Somebody“, Dagny смело зачекори во новата музичка ера каде храбро ги изразува сите свои емоции и истражува еден поинаков звук, додека во исто време успева да ја зачува својата креативна слобода.
Многу потсетува на некои рани денови на Texas и се надеваме дека ќе има токму таква музичка кариера.
Апсолутно најдобриот музички избор го имате секојдневно, 24 часа на Број 1 медиумот во регионот, охридското Супер радио. Уживајте во музичкиот избор на еден од нашите дигитални канали – Happy radio: Cafe, Greatest Hits, Top 40 Hits, Македонски хитови, Ex Yu, Dance, Hip Hop, Balkan Mix, Lounge, Мак Класик, Love Songs и Smooth Jazz. Ако музиката е одговорот, прашањето е: Што ќе слушаме денес? Се’ што сакам да слушам на едно место – Клик PLAY и УЖИВАЈ! (Крај)
извор: ОхридПрес фото: архива
| @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |
