Thirty Seconds To Mars го објавија новиот албум „It’s The End Of The World But It’s A Beautiful Day“

Охрид, 17. октомври 2023 (ОХРИДПРЕС) – Алтернативниот рок бенд Thirty Seconds To Mars го претстави својот долгоочекуван шести студиски албум, „It’s The End Of The World But It’s A Beautiful Day“.

По претходно објавените песни „Life is Beautiful“, „Get Up Kid“, „Seasons“, „World On Fire“, како и хит-синглот „Stuck“ кој помина неверојатни 14 недели на врвот на алтернативната Billboard листа, бендот конечно ѝ презентира на публиката сè на што работеа претходниот период.

„Thirty Seconds To Mars“ докажуваат дека дури и по повеќе од дваесет години кариера, нивната музика продолжува лирски и ритмички да се развива, и дека се подготвени да ги поместат границите за да испорачаат богат и динамичен звук. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука