The Chemical Brothers го претставија десеттиот студиски албум „For That Beautiful Feeling“
Охрид, 17. октомври 2023 (ОХРИДПРЕС) – Популарното електронско дуо The Chemical Brothers го претставува својот десетти студиски албум наречен „For That Beautiful Feeling“.
Изданието содржи 11 песни, меѓу кои сингловите „No Reason“, „The Darkness That You Fear“ и „Skipping Like A Stone“, додека на песната „Live Again“ соработуваат со францускиот експериментален музичар Halo Maud.
– Ова издание се занимава со моментот кога човек губи секаква контрола, кога се предава и пушта музиката да го придвижи, велат од бендот.
По напорната фестивалска сезона и бројните настапи ширум светот, Tom Rowlands и Ed Simonsи и’ го подаруваат на публиката албумот на кој работеа претходните години. (Крај)
извор: ОхридПрес фото: архива
| @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |
