Drake го претстави осмиот студиски албум „For All The Dogs“
Охрид, 26. октомври 2023 (ОХРИДПРЕС) – Канадската hip-hop ѕвезда Drake го претстави својот осми студиски албум насловен „For All The Dogs“ со 23 песни, меѓу кои се и соработките со 21 Savage, J. Cole и Bad Bunny, како и неодамна објавениот сингл „Slime You Out“ со SZA.
Drake сними и спот за песната „8AM In Charlotte“ во кој главната улога ја има неговиот 6-годишен син на раперот Adonis.
Минатата година тој напорно работеше на два големи проекти – неговиот соло студиски албум „Honestly, Nevermind“ и заедничкиот албум со 21 Savage наречен „Her Loss“.
Како еден од највлијателните hip-hop артисти на денешницата, Drake продолжува да ги поместува границите со секој нов албум, како со неговите предизвикувачки текстови кои даваат личен печат, така и со иновативниот визуелен идентитет и стил. (Крај)
извор: ОхридПрес фото: архива
| @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |
