АМСМ (12:23h): Снег со слаб интензитет врне на Попова Шапка, Маврово и Стража

Охрид, 7. декември 2023 (ОХРИДПРЕС) – Сообраќајот на државните патишта се одвива непречено по влажни коловози. Снег со слаб интензитет врне на Попова Шапка, Маврово и Стража, информираат од АМСМ.

Според УХМР, денес попладне и вечер на повисоките места се очекуваат врнежи од снег и температури околу и под нулата.

Од Центарот за управување со кризи (ЦУК) апелираат до граѓаните доколку немаат неопходна потреба попладнево и вечерва со своите возила да ги избегнуваат сите планински превои и други вообичаени критични точки при снежни врнежи или доколку патуваат да користат (или со себе да носат) зимска опрема. Ги повикуваме возачите на тешки товарни возила да бидат исклучително совесни и внимателни, да користат зимска опрема и да ги почитуваат сите евентуални препораки и забрани од МВР.

Од АМСМ потсетуваат на обврската за носење зимска опрема која е на сила од 15-ти ноември 2023 година. Истата предвидува задолжително поседување на зимска опрема во возилата, без оглед на моменталната временска состојба. Оваа обврска ќе трае до 15-ти март 2024 година. (Крај)

извор: АМСМ фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука