Врвни музички имиња на претстојното издание на EXIT Starseed 2024
Охрид, 3. јануари 2024 (ОХРИДПРЕС) – Фестивалот EXIT претстави дел од уметниците кои ќе бидат дел од претстојното издание, EXIT Starseed 2024.
Подгответе се за настап на поп-рап иконите и една од најуспешните музички групи на сите времиња, Black Eyed Peas, заедно со еден од најиновативните гитаристи во светот и движечката сила зад Rage Against the Machine, Tom Morello, а доаѓа пионерот на трап музиката Gucci Mane.
Најпопуларниот Dj на сите времиња Carl Cox ќе има сет во комбинација со Bonobo, берлинската Dj ѕвезда и продуцент KlangKuenstler, Barry Can’t Swim и Franky Wah. На Tesla Universe Stage ќе се појават и лидерите на новата генерација Kenya Grace и Iniko, Rudimental, John Newman, Dub FX, Steve Angello и многу други.
Следното издание на фестивалот EXIT, на тема EXIT Starseeds под слоганот „Да ги разбудиме нашите супермоќи заедно“, ќе се одржи од 10-ти до 14-ти јули 2024 година на Петроварадинската тврдина. (Крај)
извор: ОхридПрес фото: архива
| @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |
