Дани Димитровска го издаде вториот сингл од најновиот албум „Ќе ме сакаш ли?“

Охрид, 1. февруари 2024 (ОХРИДПРЕС) – По одличната „Има љубов во нас“, Дани Димитровска го издаде вториот сингл од најновиот, 4-ти по ред студиски албум „Ќе ме сакаш ли?“.

– Нашата ментална опсесивност да го загарантираме и она што е невозможно да се гарантира е поривот за оваа песна. Љубовта се живее, не се планира, а најмалку се гарантира. Љуби, живеј, вели Дани.

Композитор и текстописец на песната е Весна Малинова, а аранжманот е на Јордан Манов.

Дани е една од ретките женски рок артисти во нашата земја, доследна на својот звук веќе полни 25 години. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука