Свети великомаченик Теодор Тирон

Охрид, 2. март 2024 (ОХРИДПРЕС) – Православните христијани денес го одбележуваат празникот на Светиот великомаченик Теодор Тирон.

„Тирон“ значи „регрут“. Штотуку Свети Теодор беше стапил во војска, во Мармаритскиот полк, во градот Амасија, започна гонењето на христијаните под царевите Максимијан и Максимин. Со оглед дека тој не сакаше да крие дека е христијанин, го подложија на суд и го фрлија во затвор, заклучен и запечатен. Во затворот му се јави Самиот Христос велејќи му: „Не плаши се, Теодор, Јас Сум со тебе, не земај веќе овоземна храна и пијалок, зашто ќе бидеш во другиот живот, вечниот и неминливиот, со Мене на небесата“.

При ова се јави мнозинство ангели во затворот и сиот затвор заблеска прекрасно, а затворските стражари ги видоа ангелите облечени во бело и мошне се уплашија. По ова Свети Теодор беше изведен и осуден на смрт. Го фрлија во оган и Му ја предаде својата душа на севишниот Бог. Пострада во 306 година.

Тропар

Со голема вера исправен, во изворот на пламенот, како во вода на успокојување светиот маченик Теодор се радуваше; низ оган поминат, како сладок леб на Пресвета Троица се принесе. Затоа, по неговите молитви, Христе Боже, спаси ги нашите души. (Крај)

извор: FB Slovo Božjo фото: FB Slovo Božjo

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука