SUPER Fresh Music: David Guetta feat Sophie Ellis-Bextor – Murder On The Dancefloor
Охрид, 11. април 2024 (ОХРИДПРЕС) – David Guetta го издаде ремиксот на синглот „Murder On The Dancefloor“ на англиската пејачка и текстописец Sophie Ellis-Bextor, која неодамна се врати и на второто место на Британската листа на синглови, 22 години по објавувањето на песната.
Откако се појави во епската последна сцена на неодамна објавениот филм „Saltburn“ во режија на Emerald Fennell, песната стана повторно мегапопуларна на социјалните мрежи и на радио станиците ширум светот.
Синглот „Murder on the Dancefloor“ продолжува да одбележува нови достигнувања, вклучувајќи 39 милиони глобални стримови на музичката платформа Spotify во последните 30 дена, како и преку 3,6 милијарди прегледи на TikTok.
Песната за прв пат влезе и на Billboard Top 100 листата, каде се искачи до 58. место. Sophie Ellis-Bextor летово заминува на својата прва голема турнеја како главен артист во Северна Америка со концерти во San Francisco, New York и Toronto.
Апсолутно најдобриот музички избор го имате секојдневно, 24 часа на Број 1 медиумот во регионот, охридското Супер радио. Уживајте во музичкиот избор на еден од нашите дигитални канали – Happy radio: Cafe, Greatest Hits, Top 40 Hits, Македонски хитови, Ex Yu, Dance, Hip Hop, Balkan Mix, Lounge, Мак Класик, Love Songs и Smooth Jazz. Ако музиката е одговорот, прашањето е: Што ќе слушаме денес? Се’ што сакам да слушам на едно место – Клик PLAY и УЖИВАЈ! (Крај)
извор: ОхридПрес фото: архива
| @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |
