Здравје: Помалку сол за подобро здравје

Скопје, 22. април 2024 (ОХРИДПРЕС) – Додавањето премногу сол во храната не само што е непотребно, туку е и штетно за нашето здравје.

– Употребата на сол треба да се минимизира и по можност да се сведе на нула, бидејќи тоа е причина за развојот на хипертензија и го зголемува ризикот од мозочен удар, тврдат научниците.

Додаваат дека ако употребата на сол се намали дури само за половина, случаите на висок крвен притисок ќе се намалат за 30 проценти.

Индијанците од Јужна Америка практично никогаш не страдаат од висок крвен притисок поради ниската употреба на сол, за разлика на пример од жителите на Јапонија, кои поради секојдневната употреба на 15 грама сол во просек, се со екстремно високи показатели на хипертензија и мозочен удар.

Препорачаната максимална дневна доза е 2,8 грама за активните млади луѓе и 2,2 грама за возрасните.(Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука