Здравје: Зелениот грашок е вкусен, го враќа шеќерот во нормала и го намалува холестеролот

Охрид, 10. август 2024 (ОХРИДПРЕС) – Ако барате здрава храна која помага во намалување на холестеролот и шеќерот во крвта и која се бори против атеросклероза и го нормализира крвниот притисок, вклучете повеќе грашок во вашата исхрана.Сезоната на оваа вкусна и здрава храна започнува во јули, а се’ уште може да се најде во маркетите. Како и другите мешунки, грашокот содржи голема количина на протеини, поради што се чувствувате сити подолго време.Зелениот грашок е рекордер во однос на содржината на влакна, кои го стабилизираат нивото на шеќер во крвта и го намалуваат холестеролот. Само сто грама дневно обезбедуваат 26% од дневниот внес на влакна.Грашокот е особено важен да се вклучи во исхраната на луѓето кои страдаат од анемија, хиповитаминоза, намалено згрутчување на крвта, кардиоваскуларни болести, дијабетес, хипертензија и атеросклероза, бидејќи е богат со витамин Б, фолна киселина, калиум, магнезиум, калциум, фосфор и железо.Лекарите велат дека зелениот грашок е корисен и за заболувањата на црниот дроб, но оние кои страдаат од сериозни болести на дигестивниот тракт и синдром на нервозно дебело црево треба да го консумираат со претпазливост.

(Крај)

извор: index.hr фото: index.hr

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука