Охридски „Кармен Бауцентар“ донираше ламинатен под за неколку охридски училишта
Охрид, 2. јули 2020 (ОХРИДПРЕС) – Охридската компанија „Кармен Бауцентар“ донираше ламинатен под за неколку охридски училишта.
– Потребата за подобри услови за настава на најмладите не мотивираше, во рамките на нашите можности, овој пат да донираме ламинатен под од брендот Swiss Krono. Како општествено-одговорна компанија, а во координација со општина Охрид и позитивната одлука на 44-та седница на градскиот Совет дониравме 400 м2 ламинатен под со придружни елементи за потребите на Основните училишта „Св. Климент Охридски“ и „Григор Приличев“ во Охрид, како и за „Св. Наум Охридски“ во селото Коњско, информираат од „Кармен Бауцентар“.
Охридски „Кармен Бауцентар“ е една од поголемите компании во регионот и редовен поддржувач на заедницата. (Крај)
извор: ОхридПрес фото: архива
@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |