Долгорочна прогноза според Severe Weather Europe: Се очекуваат просечни врнежи во текот на зимата

Охрид, 21. декември 2022 (ОХРИДПРЕС) – Во Европа се очекуваат просечни температури на воздухот на запад, со влијание на околните подрачја со низок притисок. Се предвидуваат потопли аномалии над делови од централна Европа, кои се издигнуваат на североисток, покажуваат податоците на метеоролошката служба Severe Weather Europe (SWE).

Во однос на врнежите, во Европа се очекуваат просечни врнежи во текот на зимата, со некои посуви области на североисток. Повеќе врнежи се предвидуваат над Медитеранот.

Што се однесува до прогнозата за снежни врнежи, се највуваат потпросечни количини снег во Европа. Сликата подолу ги прикажува просечните снежни врнежи за февруари, последниот месец од зимата. Се гледа дека и покрај негативните аномалии на континентот, сè уште има мала снежна покривка. Значи, дури и ако прогнозата предвидува помалку снег, тоа не значи дека нема да има.

Во Европа се очекуваат повисоки температури од просечните во поголемиот дел од централните, северните и североисточните делови. Од друга страна, просечни температури се очекуваат над западните предели.

Ова сугерира дека може да има периоди со повеќе студени фронтови и постудени денови на западниот дел од континентот.

– Во централна и западна Европа се очекуваат претежно просечни врнежи. Повеќе врнежи се очекуваат во јужните делови на континентот. Прогнозата за снежни врнежи покажува помалку снег над Европа, што не е целосно во согласност со прогнозите за врнежи и температура, заклучуваат метеоролозите од SWE. (Крај)

извор: SWE фото: ECMWF, Shutterstock

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука