„Don’t forget me“, нова соработка на Даниел Данн со Fussflow и Malinova
Скопје, 22. декември 2022 (ОХРИДПРЕС) – Песната „Don’t forget me“ е најновата соработка на Даниел Данн со продуцентот Fussflow и Malinova.
Огнен Митев е продуцентот кој се крие зад името Fussflow и воедно e автор на аранжманот и текстот, додека Весна Малинова е автор на музиката.
– Ме радува секоја нова соработка на музички план, особено кога финишираме со успешно реализиран проект. Драго ми е што Малинова и Fussflow ме поканија да се вклучам во оваа приказна и заедничката креативност да ја преточиме во една ваква песна, која се надевам ќе го пронајде патот до публиката, особено до љубителите на електронската денс музика, вели Данн.
„Don’t forget me“ се снимаше паралелно во Германија и Македонија, додека пак мастерингот го изработија TheBasementStudios.
Од денес нивниот сингл може да се слушне на сите светски дигитални платформи во издание на Bierbauch Studio. (Крај)
извор: ОхридПрес фото: архива
| @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |
