Охрид некогаш: Реставрирано и колоризирано видео од Св. Наум од далечната 1934 година (Видео)

Охрид, 4. февруари 2023 (ОХРИДПРЕС) – На Facebook страницата Restauracije starih fotografija i videa е објавено ретко видео од далечната 1934 година со мотиви од манастирот Св. Наум и околината.

Интересно е што има и кадри од самиот манастир, но и околината. Жителите се снимани како вршат секојдневни работи, рибарите како ловат риби и слично, а видеото со посебна техника е реставрирано и колоризирано.

– Манастирот „Св. Наум“ на Охридското Езеро снимен во 1934. година. Видеото е реставрирано и колоризовирано. Автор на реставрацијата е Слађан Г. – стои во објавата.

Прекрасното видео, кое е објавено минатата година е вистинска „временска машина“ и не враќа во едно посиромашно, но многу поедноставно и убаво време. (Крај)

извор: ОхридПрес фото/видео: Restauracije starih fotografija i videa

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука