Сопствениците на пловни објекти треба да склучат договор со ЈП „Билјанини Извори“ за користење на пристаништето за усидрување

Охрид, 28. март 2023 (ОХРИДПРЕС) – Од ЈП „Билјанини Извори“ ги известуваат сопствениците на пловните објекти да склучат договор со претпријатието за да се регулираат условите и начинот на користење на пристаништето за усидрување.

Согласно Одлуката за давање на времено користење на недвижен имот на ЈП „Билјанини Извори“ Охрид бр. 08-4086/60 од 28.04.2021 година од страна на Советот на општина Охрид како и врз Мислењето од Капетанија бр. 03-236/2 од 13.04.2022 година, од ЈП „Билјанини Извори“ ги известуваат сопствениците на пловните објекти кои веќе се усидрени или се заинтересирани за усидрување на своите пловни објекти на градското пристаниште, најкасно до 25-ти април 2023 година да дојдат во просториите на претпријатието (Спортска сала „Билјанини Извори“) за да склучат договор со претпријатието во кој ќе се регулираат условите и начинот на користење на пристаништето за усидрување.

– Согласно горенаведената одлука на ЈП „Билјанини Извори“ Охрид дадено му е на времено стопанисување недвижен имот – градежно земјиште со намена за сидрење на пловни објекти кој се наоќа на м.в. пристаниште на КП. бр. 15498 КО Охрид 3, запишана во имотен лист бр. 100058 со вкупна површина од 1.382 м2, информираат од ЈП „Билјанини Извори“ од каде им напоменуваат на сите сопственици на пловен објект кои сакаат да го користат Градското пристаниште за усидрување на својот пловен објект дека мора претходно неговиот пловен објект да биде регистриран во Капетанија на пристаништата Охрид. (Крај)

извор: ОхридПрес фото: ОхридПрес

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука