Сообраќајна незгода на стариот пат Охрид-Струга, се судрија автобус и патнички автомобил

Охрид, 16. јуни 2023 (ОХРИДПРЕС) – Сообраќајна незгода се случи попладнево, нешто по 14:00 часот на стариот пат Охрид-Струга.

Според првичните информации, во незгодата учествувале автобус марка МАН со скопски регистерски ознаки и патнички автомобил марка „Опел“ од Охрид.

Во незгодата е причинета поголема материјална штета.

Струга е домаќин на Преспа форумот за дијалог, чии безбедносни мерки сериозно го отежнаа сообраќајот во Струга, а вчера објавивме и за големи колони кај „Езерски лозја“.

Од неодамна, поради реконструкција на патниот правец Подмоље-Охрид, сообраќајот се одвива по стариот пат Охрид-Струга, што предизвика големи реакции во јавноста, пред се’ поради безбедноста на овој патен правец. (Крај)

извор: ОхридПрес фото: FB Ohrigani

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука