Започнува третиот меѓународен пливачки митинг „Ohrid open 2023“

Охрид, 22. јули 2023 (ОХРИДПРЕС) – Во организација на охридскиот пливачки клуб „Акваспирит“, денеска, на Градскиот базен „Атина Бојаџи“ во Охрид, се одржува Третиот меѓународен пливачки митинг „Ohrid open 2023“.

Се очекува да настапат над 200 натпреварувачи, меѓу нив најдобрите домашни пливачи како и гости од соседството. Согласно пропозициите на митингот пливачите ќе се натпреваруваат во шест возрасни категории во машка и женска конкуренција, од најмали 2012/13 година па до сениори 2005 година и постари. Ќе учествуваат повеќе од 20-на клубови ширум земјава, очекуваме и од надвор гости. Од Македонија покрај од Охрид, има деца од Струга, Скопје, Битола, Штип. Митингот предвидува два натпреварувачки дела и тоа утрински почнува со расплив од 08:00 часот, потоа има свечено отворање, па следат трките. Ќе има сукцесивно доделување на медали, после секоја една или две дисциплини. Првиот дел се надеваме да заврши околу 12:00 часот. Попладневниот термин е од 16:00 часот со расплив, а од 17:00 часот да започнат трките, но поради високите температури може да има поместување на терминот, но тоа ќе биде во координација со делегатите, судиите и тренерите.

Помагатели и спонзори на настанот се: Општина Охрид, Магна Мирорс, Мактек ДООЕЛ Exsplosives & Construction, Сивус едукативен и развоен центар, Супер Радио Охрид и ЈП „Билјанини извори“ Охрид.

Повеќе за целиот настан од интервјуто за Супер радио и OhridPress на тренерот Миле Јованоски. (Крај)

извор: ОхридПрес фото: ОхридПрес

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука