Преподобните Исакиј, Далмат и Фауст

Охрид, 16. август 2023 (ОХРИДПРЕС) – Православните верници денес го одбележуваат денот посветен на Преподобните Исакиј, Далмат и Фауст.

Исакиј се празнува уште еднаш посебно (12-ти јуни). Свети Далмат најнапред беше офицер кај царот Теодосиј Велики и царот го чуваше во голема чест.

Но, кога во него се разбуди духот, тој презре се светско, го напушти чинот, го зеде својот син единец Фауст и со него отиде во предградието на Цариград, во обителта на свети Исакиј, каде што обајцата примија монашки потстриг.

Далмат сиот му се предаде на богоугодниот живот, на голема радост на старецот Исакиј. И кога му се приближи смртниот час, старецот го постави Далмат за игумен наместо себеси.

Подоцна таа обител по него се нарече Далматска. (Крај)

извор: Слободен печат фото: Слободен печат

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука