Пливачки митинг на Градскиот базен „Атина Бојаџи“

Охрид, 19. август 2023 (ОХРИДПРЕС) – Како дел од првото издание на Ohrid Water Festival, Пливачкиот клуб „Акваспирит“ денеска ќе го организира „ОВФ пливачки митинг“ (Ohrid Water Festival Swimming Meet).

– Пријавени се над 150 пливачи, и она на што сме особено горди е фактот што имаме пливачи од три клубови од Република Србија, по еден клуб од Косово, Албанија и Велика Британија. Вкупно имаме пријави од 15 клубови и школи. На митингот натпреварувачите имаат можност да настапат во 8 различни дисциплини поделени во 6 возрасни категории. Исто така на митингот ќе има и ревијална трка со даски за дечиња и ревијална трка за возрасни (рекреативци) на 50 метри слободен стил. Натпреварувањето е поделено во два дела и тоа утрински 08:00 до 12:00 и попладневен од 16:00 до 19:00 часот, информираат од „Акваспирит“.

Додаваат дека натпреварувањето е организирано согласно правилата на Националната пливачка федерација (НПФ), LEN и World Aquatics. Ќе се оддржи на Градскиот пливачки базен „Атина Бојаџи“ во склоп на СРЦ „Билјанини извори“ во Охрид. (Крај)

извор: ОхридПрес фото: ОхридПрес

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука