Два дена музичко уживање, време е за Ohrid Jazz Festival

Охрид, 24. август 2023 (ОХРИДПРЕС) – Во насока на збогатување на туристичката понуда со квалитетни настани и манифестации е и Ohrid Jazz Festival, кој ќе се реализира во целосна организација на Општина Охрид.

Фестивалот ќе се одржи на 31-ви август и 1. септември 2023 година, а ќе настапат Горан Папаз и Ансамбл „Билјана“, а гости ќе бидат Танче Гроздановски и Ратко Даутовски. На 1. септември предвиден е настапот на Џон И. Апелгрен квартет.

Ohrid Jazz Festival ќе се одржи во предворјето на црквата „Св. Софија“ со почеток во 20:30 часот. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука