Реиздание на култниот албум „Diamonds And Pearls“ на Prince со 47 претходно неиздадени песни

Охрид, 8. септември 2023 (ОХРИДПРЕС) – Култниот албум „Diamonds And Pearls“ од 1991 година на Prince & The New Power Generation ќе добие реиздание дополнето со неверојатни 47 претходно неиздадени песни.

Музичкото наследство на Prince е неверојатно богато, па вака голем број на песни може да бидат издадени, заедно со ремастерираното издание на оригиналниот албум.

Пакетот од 7 ЦД-а и 12 плочи доаѓа со книга на 120 страни со фотографии и текстови за познатиот музичар, како и снимка од два часа од концертот во „Glam Slam“ клубот во Minneapolis во 1992 година.

Во јули оваа година, наследниците на правата на музиката на Prince објавија две неиздадени песни, оригинално снимени во 1992 и 2006 година. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука