Трет уписен рок на битолскиот универзитет, на ФТУ Охрид слободни 204 места

Охрид, 22. септември 2023 (ОХРИДПРЕС) – Денеска ќе се спроведе третиот уписен рок на битолскиот универзитет.

На Факултетот за туризам и угостителство во Охрид има 204 слободни места, а прелиминарните ранг листи ќе бидат објавени на 26-ти септември, а запишувањето ќе биде на 29-ти септември 2023 година.

Вкупниот број на студенти кои ќе можат да се запишат на третиот уписен рок на Битолскиот универзитет изнесува 1.761 студент. Од нив 690 ќе можат да се запишат како редовни во државна квота, 698 студенти ќе можат да се запишат како редовни со школарина за студирање и 373 како вонредни студенти.

Предвиден е и четврт уписен рок кој ќе се спроведе на 1. октомври 2023 година. (Крај)

извор: ОхридПрес фото: ОхридПрес

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука