Охриѓанецот Димче Коруноски е добитник на главната награда на Меѓународната изложба на фотографии „Православие на Интернет“

Беочин/Охрид, 27. октомври 2023 (ОХРИДПРЕС) – Охриѓанецот Димче Коруноски е добитник на главната награда на Меѓународната изложба на фотографии „Православие на Интернет“, организиран од здружението „Беофото“ од Беочин, Република Србија.

На изложбата беа испратени 564 фотографии од 126 автори од девет земји: Република Македонија, Босна и Херцеговина, Полска, Русија, Австралија, Романија, Бугарија, Црна Гора и 36 градови на Србија.

Победничката фотографија со наслов „Бог се јави“ ја сними охриѓанецот Димче Коруноски. Во истата конкуренција второто место му припадна на Слободан Чавиќ од Шимановци, додека третото место го освои Јелена Павловиќ од Крагуевац. Сања Ѓорѓевиќ од Косовска Митровица, Ана Батриќевиќ од Белград и Илија Димитријевиќ од Ужице ги заслужија пофалбите на жирито на Фото здружението на Србија, кое го сочинуваа Хаџи Миодраг Миладиновиќ, Жељко Ѓуриќ и Војис.

Свеченото отворање на 18. Меѓународна изложба на фотографии „Православието на интернет“ со доделување награди на наградените и пофалени автори ќе се одржи во сабота, на 11-ти ноември, во салата на Домот на културата во Беочин со почеток во 19:00 часот. (Крај)

извор: ОхридПрес/sremskenovine.co.rs фото: Димче Коруноски

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука