Република Македонија во октомври ја посетиле 67 илјади странски туристи
Скопје/Охрид, 13. декември 2023 (ОХРИДПРЕС) – Во октомври годинава во Република Македонија се евидентирани 94.165 туристи, од кои 27.257 се домашни, а 66.908 се странски, покажуваат податоците на Државниот завод за статистика.
Биле остварени 187.272, од кои 36.7 % се од домашните туристи, а 63.3 % од странските туристи
Најбројни биле туристите од Турција, Србија и Германија.
Во периодот јануари – октомври 2023 година, во однос на истиот период од минатата година бројот на туристите е зголемен за 21.2 %. Кај домашните туристи има зголемување за 0.1 %, а кај странските за 38.6 %.
Раст е евидентиран и во бројот на ноќевањата за 9.8 %. Кај домашните туристи има зголемување за 1.1 %, а кај странските за 23.5 %. (Крај)
извор: ОхридПрес фото: ОхридПрес
@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |