СДСМ: По градежната експанзија од претходната локална власт, сега повторно владата предводена од СДСМ поддржува се’ она што е за добробит на образовниот процес

Охрид, 14. декември 2023 (ОХРИДПРЕС) – Владата предводена од СДСМ несебично вложува и се грижи за охридското образование. После градежната експанзија од претходната локална власт кога за само 4 години во сите училишта во Охрид видливи беа реконструкции, изградби и реновирања како никогаш до тогаш, сега повторно владата предводена од СДСМ поддржува се’ она што е за добробит на образовниот процес, реагираат од ОО на СДСМ од Охрид.

– Среќни сме што овој пат со заедничка слога и на пратениците од владејачкото мнозинство и опозицијата, се пренаменаа 90 милиони денари од централниот буџет за изградба на спортска сала во ООУ „Ванчо Николески“ и изградба и адаптација на нова училишна зграда на ООУ „Кочо Рацин“ на нова локација. Но, ова е само еден од низата на поддршки кои дражавата ги дава за охридското образование. После неколку децении Регионалниот центар „Ванчо Питошески“, се реконструира од темел и опслужува ученици кои секоја година се се’ побројни. Владата и ресорното министерство финансираат во енергетско ефикасна фасада и нова дограма во основното училиште „Св. Наум Охридски“ во селото Пештани и започнување и реконструкција на студентскиот дом „Никола Карев“ за кој се издвоени 2 милиони евра. Впрочем, во охридските основни и средни училишта државата и МОН во овие години уназад вложила повеќе од 7 милиони евра. Се вложува во се’ она што претставува здрава основа за правилен раст и развој на децата. Тоа е таа грижа на СДСМ и континуитетот на поддршка кој го покажува кон најсуптилната категорија, децата, стои во реакцијата. (Крај)

извор: ОхридПрес фото: ОхридПрес

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука