АМСМ (09:00h): Укинати забраните за движење на тешки товарни возила на „Стража“, „Плетвар“ и „Ѓавато“, останува на сила на патниот правец кон „Ќафасан“

Скопје/Охрид, 21. јануари 2024 (ОХРИДПРЕС) – Сообраќајот на државните патишта се одвива во зимски услови по влажни коловози, информираат од Авто мото сојузот на Република Македонија.

Од 08:30 часот се укинати забраните за движење на тешки товарни возила на планинските премини „Стража“, „Ѓавато“ и „Плетвар“. Остануваат на сила на патните правци Струмица-Берово, А2 Струга-ГП „Ќафасан“ и село Рогачево до ГП „Јажинце“. На патниот правец Тетово-Попова Шапка има забрана за сообраќај за автобуси додека за другите возила е задолжителна зимска опрема (синџири).

Од АМСМ потсетуваат на обврската за носење зимска опрема која е на сила од 15-ти ноември 2023 година. Истата предвидува задолжително поседување на зимска опрема во возилата, без оглед на моменталната временска состојба. Оваа обврска ќе трае до 15-ти март 2024 година. (Крај)

извор: АМСМ фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука