Охриѓаните Hardfaced со концерт во МКЦ Скопје вечерва ќе одбележат 20 години постоење

Скопје/Охрид, 23. март 2024 (ОХРИДПРЕС) – Со концерт во Младинскиот културен центар во Скопје, охриѓаните Hardfaced, едни од предводниците на македонската хард кор/метал сцена, вечерва ќе одбележат 20 години постоење.

Hardfaced се основани во почетокот на 2004 година во Охрид. Во 2007 излегува нивниот деби албум „More than hate” кој добива одлични критики во Македонија и низ Балканот. Во 2011 излегува вториот албум „Show them what they fear”, по кој следуваше и третиот „Dying Lake”. Последното, четврто студиско издание „Бессона дремка на брегот на младоста“ излезе пред пет години. Зад себе имаат неколку Европски и Балкански турнеи и свиреле со бендови како Biohazard, Unearth, Stampin’ Ground, 7 Seconds, Parkway Drive, Born From Pain, No Turning Back, Romeo Must Die, Devil In Me, Last Hope и многу други.

Вечерашниот, славенички концерт ќе започне во 19:30 часот, а гости ќе им бидат легендарниот бугарски хард кор бенд „Лест хоуп“ и скопската група „Ју“.

Билетите се продаваат по цена од 400 денари, односно 600 денари на влез. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука