Бројни измени на годинешниот избор за песна на Евровизија

Охрид, 5. април 2024 (ОХРИДПРЕС) – Европската радиодифузна унија и шведскиот јавен сервис SVT, кои го организираат Изборот за песна на Евровизија во Малме, најавија дека на годинешниот натпревар ќе бидат воведени бројни измени.

Во полуфиналето во живо ќе настапат директните финалисти, односно претставниците на Велика Британија, Италија, Германија, Франција, Шпанија и годинешниот домаќин Шведска.

Финалистите своите песни ќе ги изведат за време на полуфиналните вечери, за време на натпреварувачкиот дел од програмата, а не во ревијалниот дел. Гледачите повеќе нема да чекаат да се изведе последната песна, туку ќе гласаат за своите фаворити од почетокот на првата песна на натпреварувањето.

Жирито и публиката ќе гласаат 50-50% во финалето, додека во полуфиналето ќе гласаат само гледачите. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука