Dubioza Kolektiv и Dino Šaran го објавија спотот за одличната „U3PM“
Охрид, 15. април 2024 (ОХРИДПРЕС) – Одличните Dubioza Kolektiv и Dino Šaran денеска го објавија спотот за песната „U3PM“, за која членовите велат дека е создадена на типичен сараевски дернек (веселба).
– Таа зборува за исконската потреба на човекот да избега од апокалиптичната реалност и да бара спас во раскошна трпеза, но и богата понуда на пијалоци и рекреативни дроги. Песната содржи „непознати“ зборови како stelja – сувомеснат овчи производ и многу други, велат од Dubioza Kolektiv.
Dino Šaran додава дека некои од најдобрите идеи се создаваат токму на забавите.
По претходните соработки на Dubioza Kolektiv и Dino Šaran на песни како „Autopilot“ и „Zemlja gori“, новата и фантастична соработка на „U3PM“ е само уште еден доказ дека повторно погодија во центар со нивните текстови и музиката.
По исклучително успешната година која е зад нив и турнејата „20 Years High“, со која одбележаа две децении на сцената, Dubioza Kolektiv објавија голема колекција на винил, а имаа и распродадени концерти во Европа и Мексико. (Крај)
извор: ОхридПрес фото: архива
@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |