SUPER Fresh Music: Zayn – Room under the Skars
Охрид, 7. јуни 2024 (ОХРИДПРЕС) – „Room under the Skars“ е насловен новиот, четврти по ред студиски албум на поп пејачот и кантавтор Zayn, кој носи ретро и акустични тонови придружени со искрени приказни од животот.
Ѕвездата на поранешната група One Direction на слушателите им подарува 15 нови песни создадени далеку од јавноста и црвениот тепих, а во изданието се и веќе познатите нумери „What I Am“ и „Alienated“.
– Ова е дефинитивно мојот омилен албум, особено затоа што се заснова на искреност и ранливост. Сакав секоја песна да звучи како да седам до слушателите и да им кажувам како се чувствувам, како да им пеам директно на сите вас, изјави Zayn за албумот.
Како уметник го започна своето патување како дел од групата One Direction и се стекна светска слава. Во 2016 година постигна голем успех со синглот „Pillowtalk“ кој надмина милијарда слушања на музичката платформа Spotify. Следуваа дуетите „Dusk Till Dawn“ и „I Don’t Wanna Live Forever“ со Sia и Taylor Swift, а на новото издание тој целосно се врти на себе и им дава на слушателите албум на кој работел сосема сам.
Апсолутно најдобриот музички избор го имате секојдневно, 24 часа на Број 1 медиумот во регионот, охридското Супер радио. Уживајте во музичкиот избор на еден од нашите дигитални канали – Happy radio: Cafe, Greatest Hits, Top 40 Hits, Македонски хитови, Ex Yu, Dance, Hip Hop, Balkan Mix, Lounge, Мак Класик, Love Songs и Smooth Jazz. Ако музиката е одговорот, прашањето е: Што ќе слушаме денес? Се’ што сакам да слушам на едно место – Клик PLAY и УЖИВАЈ! (Крај)
извор: ОхридПрес фото: архива
| @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |
