Граѓаните реагираат на состојбата на патот кон Шипокно (Фото)

Охрид, 13. септември 2024 (ОХРИДПРЕС) – Читатели на OhridPress, кои живеат на овој потег на градот, преку допис до редакцијата реагираат на состојбата во која се наоѓа патот кон Шипокно.

– Плаќаме улично осветлување, има 8 бандери, а само 3 сијалици. Тука имаме приватни имоти, плаќаме градски водовод, струја, данок на имот и во вакви услови се обидуваме да развиваме туризам. Исто така, децата од населбата Шипокно одат на училиште во Рача по овој пат и на лето и на зима, велат во дописот.

Додаваат дека патот е блокиран од песок и камења, дека се’ е раскопано и однесено на главниот пат. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука