Дебата за искуствата и стандардите за оценување на судиите
Скопје, 16. февруари 2016 (ИНПРЕС) – „Домашни искуства и меѓународни стандарди за оценување на работата на судиите и претседателите на судовите“ е темата на тркалезната маса наменета за претседателите на судовите, судии и членови на Судскиот совет на Република Македонија.
На тркалезната маса, која денеска во Скопје ја организираат Судскиот совет на Република Македонија и Академијата за судии и јавни обвинители „Павел Шатев“, ќе учествуваат Ѓуро Сеса судија на Врховниот суд на Република Хрватска и потпретседател на Советодавниот совет на европските судии при Совет на Европа и Александра Зафировска, член на Судскиот совет на Република Македонија.
Тркалезната маса ќе ја отворат Бранко Ушковски, претседател на Судскиот совет на Република Македонија и Анета Арнаудовска, директор на Академијата за судии и јавни обвинители „Павел Шатев“. (Крај)
извор: МИА фото: архива
| @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |
