МОСТ креираше нова алатка за пријавување нерегуларности за време на изборниот процес
Скопје, 1. декември 2016 (ОХРИДПРЕС) – Во функција на спроведување фер и слободни избори во Република Македонија, Граѓанската асоцијација МОСТ креираше уште една алатка со која ќе им овозможи и олесни на граѓаните да пријават нерегуларности за време на изборниот процес.
Веќе е активна платформата http://neregularnosti.most.org.mk/ на која сите граѓани ќе можат да пријават евентуални нерегуларности.
Преку оваа платформа, МОСТ истовремено ќе ги следи и евидентира и објавите по социјалните медиуми на кои ќе бидат регистрирани нерегуларности, и тоа преку: #избори2016 #нерегуларности #СеПоСписок #фантоми.
Дополнително, доколку самите граѓани не се во можност самостојно да ги внесат овие нерегуларности преку интернет платформата, покрај бесплатната телефонска линија 080 080 080, МОСТ креираше и посебна меил адреса за пријавување на нерегуларности: neregularnosti@most.org.mk. (Крај)
извор: ОхридПрес фото: архива
| @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |
