Возете внимателно кон Скопје или Битола, поради магла видливоста е 150-200 метри

Охрид, 17. декември 2019 (ОХРИДПРЕС) – Сообраќајот на државните патишта се одвива по наместа влажни коловози, а поради појава на магла, намалена е видливоста на неколку патни правци.

– Видливоста на патниот правец Кичево-Охрид и Охрид-Ресен е 150 – 200 метри. Струга-Дебар и Струга-Граничен премин „Ќафасан“ 20 – 30 метри и на планинскиот премин „Ѓавато“ 20 – 40 метри, информираат од АМСМ.

Од АМСМ препорачуваат прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има појава на утринска магла и можност од појава на одрони. Ова посебно се однесува за делниците Катланово-Велес, Маврово-Дебар-Струга, Виница-Берово и Кочани-Делчево. (Крај)

извор: АМДМ фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука