Мугуруза – Кенин во финалето на Австралија опен
Мелбурн, 30. јануари 2020 (ОХРИДПРЕС) – Американката Софија Кенин и шпанската тенисерка Гарбиње Мугуруза ќе играат во финалето на женскиот дел од годинашното издание на Австралија опен.
Ова е епилогот по полуфиналните дуели на Грен слемот во Мелбурн одиграни рано утрово.
Во првото полуфинале, Кенин ја совлада првата носителка Ешли Барти од Австралија со 7:6 и 7:5. Со истиот резултат, во два сета, Мугуруза беше поуспешна од Романката Симона Халеп.
Вкупниот награден фонд на Грен слемот во Мелбурн изнесува 49 милиони долари. (Крај)
извор: Плусинфо фото: архива
@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |