Планот за отстранување на бесправно изградените плажи денес пред советниците

Охрид, 31. јануари 2020 (ОХРИДПРЕС) – Советниците денес на седница ќе го гласаат планот за отстранување на бесправно изградените објекти – плажи.

Советниците ќе треба да се произнесат по предлог – измените и дополнувањата на развојната програма за изработка на урбанистички планови на територијата на општина Охрид 2020-2022, предлог годишната програма за поставување на урбана опрема, потоа за определување на просечна цена за утврдување на пазарна вредност на градежното (неизградено и изградено) земјиште за календарската 2020 година и за определување на просечна цена за утврдување на пазарна вредност на земјоделско земјиште.

Ќе гласааат за одлуката за утврдување на максималниот износ на вредност на бодот за пресметување на платите на давателите на јавни услуги и на директорот во ЈОУДГ „Јасна Ристеска” Охрид, а ќе се именуваат и членови во Управниот и Надзорниот одбор на ЈП „Водовод“ Охрид.

Седницата е закажана за 14:00 часот. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука