ВМРО-ДПМНЕ: Градоначалникот на Охрид Константин Георгиески е синоним за урбан хаос, селективност и партиски вработувања

Охрид, 29. јуни 2021 (ОХРИДПРЕС) – Градоначалникот на Охрид Константин Георгиески е синоним за урбан хаос, селективност и партиски вработувања, обвинуваат од ОК на ВМРО-ДПМНЕ од Охрид.

– Иако е во тек оглас за 16 нови вработувања, Георгиески предлага нови 40 партиски послушници кои ќе ги вдоми во превработената Општина повторно удирајќи по џебот на охриѓани. Наместо како што вети враќање на долгот на општина Охрид и одблокирање на сметката, решавање на горливите проблеми, охриѓани добија повисоки сметки за плаќање, урбан хаос, неуредени и неисчистени плажи, уништена туристичка сезона, раскопани улици, депонии и ѓубре низ целиот град. Цел мандат на Власта предводена од СДСМ ќе заврши без ниту еден капитален проект, остануваат само лажните ветувања од страна на неработникот Георгиески. Тој мисли дека со предизборните вработувања на грбот на граѓаните ќе добие и втор мандат. Но, времето на СДСМ и Георгиески во Охрид завршува. За неколку месеци охриѓани ќе стават крај на ваквото секојдневие на безидејност што го нудат СДСМ и Георгиески, потенцираат од партијата. (Крај)

извор: ВМРО-ДПМНЕ фото: ОхридПрес

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука