Повторно забележан пад на нивото на Охридското Езеро

Охрид, 24. март 2022 (ОХРИДПРЕС) – Повторно се бележи минимално намалување на водостојот на Охридското Езеро.

Според денешните мерења на Управата за хидрометеоролошки работи на Република Македонија (УХМР), водата е на кота од 693,41 м.н.в, што е за 8 сантриметри под просекот за март (693,49 м.н.в), односно 31 сантиметар над дозволениот минимум (693,10 м.н.в). Температурата на езерската вода е 7 степени и е за половина степен повисока во однос на месечниот просек.

Во последниве шест дена езерското ниво се намалило за два сантиметри.

Во Охрид денес сончево и топло време со умерен, повремено засилен ветер од северозападен правец. Максималната температура во Охрид ќе се искачи до 16. степени.

– Во следните денови ќе преовладува сончево и потопло време, а во недела во текот на ноќта кон понеделник ќе има повремени локални врнежи од дожд, информираат од УХМР. (Крај)

извор: ОхридПрес фото: ОхридПрес/УХМР

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука