Мартин Милески во „Моите 3 омилени песни“ на Супер радио и OhridPress

Охрид, 12. април 2022 (ОХРИДПРЕС) – Младиот охридски музичар Мартин Милески е денешен гостин во рубриката „Моите 3 омилени песни“ на Супер радио и OhridPress.

Пред две години, Милески го издаде својот деби албум наречен „Colosseum full of emotions“ со осум инструментални нумери. Вели дека сите нумери на албумот се огледало на неговиот живот и дека целосната инспирација за компонирање на песните ја извлекол од секојдневни ситуации. Претходно, публиката го запозна и по обработките на повеќе познати песни меѓу кои и „A Sky Full Of Stars“ и „The Scientist“ на Coldplay, „Ashes“ на Celine Dion, песни од Драгојевиќ и Duke Dumont, како и одличната изведба на „Кој да ми запее“ од Каролина Гочева.

Негов музички избор во „Моите 3 омилени песни“ се песните: Just The Two Of Us на Groover Washington Jr., I Love You More Than You`ll Ever Know на Donny Hathaway и Ancestral на Steven Wilson.

Помеѓу најдобрите македонски песни, изборот на Милески падна на Зоран Стаменковски со „Се’ на свое место“. Овој избор можете да го следите во изданието на емисијата „Мак Топ 10“, која се емитува премиерно на Супер радио секој четврток од 20:00 до 21:00 часот и репризно во сабота од 16:00 до 17:00 часот.

Рубриката „Моите 3 омилени песни“ можете да ја слушате на Супер радио, на 97.00 FM секој работен ден во 10:30 и 17:30 часот или преку нашите веб интернет канали и стриминг платформи. (Крај)

извор: ОхридПрес фото: ОхридПрес

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука