Едукативна обука на тема „Родова инклузивност и вклучување на жените во руралниот туризам – принципи на агротуризмот“

Охрид, 14. декември 2022 (ОХРИДПРЕС) – Согласно програмата за развој на туризмот и програмата за поддршка на локалниот економски развој за 2022 година, во среда и четврток, на 14-ти и 15-ти декември 2022 година, ќе се одржи стручна обука на тема „Родова инклузивност и вклучување на жените во руралниот туризам – принципи на агротуризмот“.

Обуката ќе се одржи во просториите на Општина Охрид со почеток во 12:00 часот, а ќе ја реализираат стручни консултанти во оваа област од „Еуро Виста Консалтинг“.

Предвидени се работни сесии на следните теми:

– Инклузија на жените во руралните средини

– Основи на одржлив рурален развој и рурален туризам

– Агротуризам – Критериуми и стандарди

– Услуга на клиенти

– Основи на Маркетинг во рурални средини

– Презентација на Мерка 7 од ИПАРД 3 Програмата

– Презентација на „Canvas“ моделот

– Презентација на модел „Дифузни хотели“

Предавачи ќе бидат Марија Ѓошева- Ковачевиќ од Институт за Земјоделие, Александар Гумберовски од „Еуро Виста Консалтинг“ и Владо Сриновски од „Балканија“. (Крај)

извор: ОхридПрес фото: ОхридПрес

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука