Се зборува на Facebook: Изградбата на автопатот Кичево-Охрид и понатаму останува топ тема во охридската јавност

Охрид, 17. декември 2022 (ОХРИДПРЕС) – Изградбата на автопатот Кичево-Охрид и понатаму останува топ тема во охридската јавност, а информациите за датумите кои одговорните ги соопштуваат за завршување на изградбата изминативе денови се најкоментираните на Facebook профилот на OhridPress.

Министерот за транспорт и врски во Владата на Република Македонија Благој Бочварски вчера изјави дека очекува автопатот Кичево-Охрид да се заврши во предвидениот рок до 31-ви декември 2023 година. На прес конференција во Владата, истата информација ја потврди и премиерот на Република Македонија Димитар Ковачевски.

Читателите на OhridPress се свесни за големината на проблемот и апелираат да се изнајде максимално брзо решение и конечно да заврши изградбата на овој патен правец, на кој годиниве наназад е зголемен за неколку пати бројот на соообраќајни незгоди, од кои дел и со трагични последици. Граѓаните реагираат на доцнењето во изградбата на патот, а дел се сомневаат во најавената динамика, пред се’ поради бројките на ангажирани работници и работни машини и бараат итно завршување на работите. (Крај)

извор: ОхридПрес фото: ОхридПрес

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука