„Денови на кариера“ во Касарна Хаб

Охрид, 21. декември 2022 (ОХРИДПРЕС) – Поврзување на IT компаниите кои нудат работа и невработените кои имаат ИТ вештини е целта на дводневниот настан „Денови на кариера“ кој започна денеска во Касарна Хаб во Охрид.

На настанот учествуваат компаниите: Netcetera Macedonia, Slice Macedonia, Particles, Stellar Solutions Skopje, Writerity, IT Labs, Recolinks, Vitech, Webiart, а вкучена е и Агенцијата за вработување. Овие компании имаат околу 50 отворени работни позиции и можности за пракса.

Во рамките на настанот, денеска се одржа работилница насловена „Дали сум привлечен за работодавачите“, а превидена е и панел дискусија на тема „Јаз меѓу пазарот на труд и образованието“.

За утре е планирана презентација на тема „Какви работни позиции постојат во ИТ компаниите и кои вештини се бараат“ и споделување на искуства од вработени во ИТ секторот на тема „Се што сакате да знаете за ИТ секторот, а сте немале кого да прашате“. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука