Научниците ја создадоа најмалата „винил“ плоча на светот – толку мала што тешко може да се види со голо око

Охрид, 15. јануари 2023 (ОХРИДПРЕС) – Научници од Данска ја создадоа најмалата „винил“ плоча на светот, која е толку мала што тешко може да се види со голо око. Со димензии од само 15×15 микрометри, со жлебови длабоки само 65 нанометри, оваа мала плоча свири 25 секунди од песната „Rockin’ Around The Christmas Tree“ во стерео, пишува EDM.

Во видеото објавено на YouTube кое го демонстрира процесот на изработка, Нолан Ласалин од DTU Physics на Техничкиот универзитет во Данска објасни дека плочата е „толку мала што целата работа што ја обликуваме може да се вклопи во еден жлеб на обична винил плоча“. Го користи системот за 3D литографија Nanofrazer Scholar од DTU Physics и ги печати жлебовите на таблата во полимерната фолија.

– Иако оваа плоча е, се разбира, само малку божиќна забава, исто така е многу сериозна вежба за многу поважно истражување. Додека ги правиме овие типови на жлебови со нанометарска прецизност, можеме да ги пренесеме на низа други материјали, што ќе ни овозможи да манипулираме со својствата на материјалот во наноскала. Правиме нешто што никогаш порано не сме можеле да го направиме во делот на физиката. Ова откритие може да се користи и за креирање на мали сензори за магнетно поле кои ќе ни овозможат да ги мериме струите во мозокот, а за тоа се надеваме дека ќе создадеме прифатлива технологија на долг рок што ќе ни овозможи да одговориме на прашања поврзани со Паркинсоновата и Алцхајмерова болест, вели Ласалин.

Работата на DTU Physics не е единствениот пример на научници кои експериментираат со технологијата на винилни плочи, која е стара со децении. Минатата година, во ноември, двајца корејски уметници создадоа грамофон кој репродуцира музика од стара пластика. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука