СВР Охрид: Лажна е пријавата за поставена експлозивна направа во Основниот суд во Охрид

Охрид, 27. февруари 2023 (ОХРИДПРЕС) – СВР Охрид ја известува јавноста дека се направени сите потребни проверки во врска со денешната пријава од Основниот суд во Охрид по добиените пораки на електронски адреса со закана за поставена експлозивна направа.

– Притоа, утврдено е дека станува збор за лажна пријава. Веднаш по добиената пријава, од полициски службеници се преземени мерки за безбедно евакуирање на објектот, а потоа е извршена и детална проверка од тим за антитерористичка проверка и утврдено е дека станува збор за лажна пријава, информираат од СВР Охрид. (Крај)

извор: ОхридПрес фото: ОхридПрес

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука